تحذير موسم صيف 2021 الذرة الشامية
إلى جميع المزارعين
احترس خطر داهم
في دودة خطيرة مسيطرة على محصول الذرة الشامية ( الشامي )
وباختصار الحشرة دي اسمها دودة الحشد الخريفية ومش هقول الحشرة دي جات منين وعايشه ازاي واطوارها ايه وهتعمل ايه لكن الحشرة دي تستطيع ان تطير ليلا 100 كم يعني سريعة الانتشار وتحدث ضرر شديد جداً وبشكل سريع جداً.
واعراض الاصابة في الصور:
العلاج :
الرش بمبيد مادة فعالة كلوروبيروفوس 48٪ + لمبادا2٪ + بيرونيل بيتوكسيد 5٪ بمعدل نص لتر للفدان قبل المغرب مباشرة
ويكرر الرش بمبيد مادة فعالة أميداكلوبرايد 35٪ بمعدل 200 سم للفدان (اذا لزم الأمر )
الخطوة دي كوم واللي جاي كوم تاني مهم جدا
هو ايه ؟
يا عم الحاج بعد ما ترش الرشة الاولانية بيوم تروح الغيط وتاخد معاك جردل او مقطف تعبيه تراب من الارض وتكبس منه قلب النبات بالتراب وانت وماشي يعني تفضي حفنة تراب في قلب النبات
طبعا هتقولي يا هندسه وليه القصه الغريبه دي ؟!
هاقولك ان الحشرة دي بتسقط في حلق النبات وتتغذى على قلبه ودا معناه ان نمو النبات هيوقف خالص فلما نحط التراب في القلب الحشرة مش هتعرف تدخل وبكدا نضمن بإذن الله استمرار نمو النبات حتى لو الحشرة موجودة على الورق الخارجي .
اتمنى لكم محصولا وفيرا
مهندس زراعي
أحمد عبدالفتاح العوامري