ما تيجي نبدل الادوار
وتاخد انت دور مغلوب وانا الغالبه
واراهنك لو عرفت تلاقي لك اعذار
وتعرف اني مش غلطانه ولا عايبه
هتستحملني وانا هزماك؟!!
والا هتقلب الترابيزه وتسيبني زي ما كنت انا سايباك؟!!
انا استحملت كام مره
وكام حاجه كانت حلوة وبقت مره
وانا حباك.. وقلبي معاك.. ومش حره
بعيده بجسمي بس بروحي مش غايبه
ماتيجي نبدل الادوار ولو مره.
وتاخد انت دور مغلوب وانا غالبه
هتستحملني وانا هزماك؟!
والا هتقلب الترابيزه وتسيبني زي ما كنت انا سايباك؟!
ما تيجي اجرحك ونشوف هتقبلها؟!
والا مشاعرك ناحيتي بايديك هتقتلها؟!
هتستحملني وانا هزماك؟!
والا هتقلب الترابيزه وتسيبني زي ماكنت انا سايباك؟!
كلمات / أحمد عبدالفتاح العوامري