ياريتك تحني لدمعتي وألمي
ياريتك تحسّي بكلمتي وقلمي
ياريتك تحسّي بخوفي م الأيام
ياريتك تكوني أول الأحلام
اللي ف عمري تتحقق
وازاي لحظتها أنا وقلبي هنصدق ؟!
****
ياريتني أكون أسير مُحتل
عشان دمعك يزور عينك
عشان خاطري
بقالي سنين
بدٌور لي ف هواكي لحل
ولا بإيدي ولا بخاطري
تكوني انتي اللي ساق قطري
وخدني بعيد لأبعد حد
مشوفتش غير عينيكي
ف الحياة ولا حد
ولا عايز أشوف تاني
كفاياني تكوني أنتي
سبب حيرتي وأحزاني
*****
أنا مسامح .. أنا راضي
عشان خاطرك أبيع عمري على الفاضي
أعيش دنيايا بصعوبة
أكيد أقدار ومكتوبة
أنا مسامح .. أنا راضي
وعيشي إنتي الحياة سهلة
كوني قويّة ف مشاعرك
ومتجاهلة
لإحساسي على كيفك
قبل ما كون ربيع شجرك
أنا شتاكي وأنا صيفك
أنا قدرك
ياريت تفتكري يوم سيرتي
وحنيتي على طيبتي
وسامحيني على حبك
حقيقي بجد مقدرتش
أحوش قلبي يكون جمبك .
شعر / أحمد عبدالفتاح العوامري
شعر/ أنا الغالبه شعر / أراهنك كلمات قصائد شعر