اراهنك -أحمد عبدالفتاح العوامري

انا عمري ماهضعف يوم ولا اشكى ولا تنزل دموع مني
على واحد ملوهش عزيز ولا غالي
انا اقوى من الاحزان ومن بُعدك
وكويس قوي بَعدك
انا ولا شئ بيكسرني ولا فبالي
*******
انا اراهنك
على عمرى ..على قلبى اللى كان مفتوح
انا اراهنك
على حبى ..على شوقى اللى بات مجروح
انا اراهنك
على ايام بتوجعني.. على احلام بتخدعني
وايه يعنى
ما كله يروح


*******
كبّرتك وعلّيتك ** مرخّصتكش غلّيتك
واديتك سنين عمرى وانا راضى
ولما ف يوم انا احتاجتك
ماهانش عليك يضيع وقتك
لقيتك ليا مش فاضي


اكيد م الخوف هتيجى فيوم وتندهلي
هجيلك بس مش ملهوف على مهلي
واقول برضو وانا مالي
ومش هضعف ولا هاشكى ولا تنزل دموع مني
انا ولا شئ بيكسرني
انا اراهنك
على عمري على قلبي
على شوقي على حبي
على الايام
على الاحلام
وتخسرني انا الغالي

شعر / أحمد عبدالفتاح العوامري