التخطي إلى المحتوى الرئيسي

سيبيني /شعر /أحمد العوامري




مانيش "ناصر "
ولا "السادات "
ولا "حسنى "
ولا "مرسى "
أنا نفسى
مليش منصب ولا كرسى
ولا غير..
حبة شعر بكتبهم
وأنا خجلان
وفضلة خير..
أبويا اللى علّمنى :
ماكونش جبان
أنا الوحدانى فى بلادكم
مليش سكة
مليش شركة ،ولا مشروع
ولا مرة شكيت من جوع
سبت سنينى وسابتنى
نزلت أنادى على كفنى
صرخت :
حـــــــــــــــــــــــرّيـــــــــــــــــة
شرخت قليبى باديا :
عـــــــــدالـة اجتــــــــــمـاعيــة
ومفيش فايدة
مليش دية
ولا منصب ولا كرسى
مانيش "مرسى "
ولا "حسنى "
ولا "السادات "
ولا "ناصر "
أنا يدوبك مجرد قطر بيسافر
وليل فى الضلمة متورط
بيستعبط على بكرة
اللى "ف" نفسه بيخّبط
مطولتش حتة فى التورتة
مشلتش غير وجع
فى حياتى لازمنى
وحبة صبر هازمنى
مندمنى /على أنى / قبلت اكبر
رسمت طريقى فى الدفتر
بلملمنى من الشارع
ومن أوراقك الناشفة
ومن أحلامك الهايفة
وكل وعودك الزايفة
وكل ماعلّم رجلى تنساكى
بكون عاجز
100 حاجز تُحطّيهم بتشترطى
وانا بطيبتى
مانيش قادر
ولا "ناصر "
ولا "السادات "
ولا "مرسى"
ولا "حسنى "
أنا بحزنى
مبستكفاش
مبستغناش عن الدمعة اللى بتخونى
عن الخيبة اللى بتكونى
مانيش غير توهتك الكبرى
وكل ملامحك الغبره
بتوصفنى
بتعزفنى نشيد مالهوش أهمية
بطل ورقى / يدوب صورة
فى أسطورة وهمية
بترمينى وأنا الممنوع من الضحكة
أنا الدبلان ..
خيوط دَبلان بتتقّطع
فكيف انتوا تعِزّونى ؟!
بكون راسكم لشيلة الهم
ولا مٌهتم لشئونى
مابشوفكمش غير فى الفرح
ولمّا الجرح يغوينى
ينزّ الدم
ولا بتيجوا تعَزّونى
مانيش اكتر من المشنوق فى بوابتك
لا "م " السادة ولا البهوات
مانيش "مرسى " ولا "حسنى "
ولا "ناصر " ولا " السادات "
انا حكاية ... بتحكيها فى آخر الليل
لأطفالك
ولا مرة بتصفيلى وبصفالك
تصّفيلى مشاعرى اللى واهبهالك
وانا هالك
اغنيلك واقولهالك
بحبك حب "م " الاصلى
ومانسيتش فى يوم أصلى ولا فصلى
ولا مٌرك ولا عسلى
ولا أنى إذا سبتك
يدوب خطوة وبتجاهل
واذا صبتك بخرطوشة
بدالك أموت واستاهل
لانا "ناصر" ولا "مرسى"
ولا "حسنى" ولا "السادات"
فى تليفونك يدوب رنات
ماتمسحنيش
ماتسحلينيش
سيبينى ف دفترك عايش
وبتعايش مع خوفى
مع ظروفى اللى غيرها مليش
سيبينى أجدد التوبة
وانسى انى قبلت أعيش .




أحمد عبد الفتاح العوامري

إقرأ أيضاً :


شعر/ أنا الغالبه شعر / أراهنك كلمات قصائد شعر حجر تفاح شعر/ ياريتك جوا كراريس العيال تعريف جديد للوحدة متزعليش جوهرة ياريته قال قّطع على جسمه الخَلَق الكعكه الفاتحه .. للخاينه سكته حُبيّه باكهرب العواميد

التسميات:

تعليقات

إرسال تعليق

المشاركات الشائعة من هذه المدونة

نتائج جامعة جنوب الوادي 2021 جميع الكليات

عاجل ترقبوا غدا ظهور نتائج امتحانات جامعة جنوب الوادي 2021 جميع الكليات نتائج كلية الآداب جامعة جنوب الوادي نتائج كلية العلوم جامعة جنوب الوادي نتائج كلية الحقوق جامعة جنوب الوادي نتائج كلية التجارة جامعة جنوب الوادي نتائج كلية الزراعة جامعة جنوب الوادي نتائج كلية التربية جامعة جنوب الوادي نتائج كلية الآثار جامعة جنوب الوادي نتائج كلية التربية الموسيقية جامعة جنوب الوادي لمعرفة نتيجتك اختر العام الاكاديمي 2020 -2021 ثم اختر الكلية والفرقة والقسم وطبيعة الدراسة (انتظام او انتساب) ثم رقم الجلوس واضغط على بحث سوف يتم عرض النتيجة                             لمعرفة   نتيجتك اضغط هنا  
إرسال تعليق
أحدث المشاركات

رعاية النباتات الداخلية ، كل ما تريد معرفته عن النباتات الداخلية

  رعاية النباتات الداخلية تتطلب بعض العناية الخاصة لضمان نموها وصحتها. إليك بعض النصائح: _الأساسيات:_ 1. _الضوء:_ توفير الضوء الكافي، مع مراعاة احتياجات كل نبات. 2. _الري:_ ري النباتات بانتظام، مع تجنب الإفراط في الري. 3. _التربة:_ استخدام تربة جيدة التصريف. 4. _السماد:_ تسميد النباتات بانتظام. _نصائح إضافية:_ 1. _درجة الحرارة:_ الحفاظ على درجة حرارة مناسبة لكل نبات. 2. _الرطوبة:_ توفير الرطوبة الكافية، خاصة للنباتات التي تتطلبها. 3. _التقليم:_ تقليم النباتات بانتظام لتعزيز النمو. 4. _الآفات:_ مراقبة النباتات للكشف عن الآفات. _أخطاء شائعة:_ 1. _الإفراط في الري:_ يمكن أن يؤدي إلى تعفن الجذور. 2. _نقص الضوء:_ يمكن أن يؤثر على نمو النبات. 3. _عدم التسميد:_ يمكن أن يؤثر على صحة النبات. _فوائد النباتات الداخلية:_ 1. _تنقية الهواء:_ تساعد في تنقية الهواء. 2. _الهدوء النفسي:_ يمكن أن تساعد في تقليل التوتر. 3. _الجمال:_ تضيف لمسة جمالية إلى المنزل. أمراض النباتات الداخلية:  مكافحة آفات النباتات الداخلية تتطلب بعض الخطوات والاحتياطات لضمان صحة النباتات. إليك بعض النصائح: _الآفات الشائع...
إرسال تعليق
أحدث المشاركات

كلمات تتر حديث الصباح والمساء

وفاة مؤلف تتر مسلسل حديث الصباح والمساء شاعر العامية فؤاد حجاج أعلنت أسرة الشاعر فؤاد حجاج عن وفاته اليوم بعد صراع مع المرض . ويعد الشاعر فؤاد حجاج من أهم شعراء جيله ترى في قصائده الأصالة والرؤية الإبداعية العميقة باستخدام قاموس مفردات بسيطة وقريبة للناس و هو كاتب ورئيس القسم الادبي بجريدة العمال الاسبوعية دبلوم اعلام / الجامعة العمالية ، وحصل على جائزة العيد الاول للفن والثقافة عام 1979 ( وزارة الثقافة ) • جائزة الميكروفون الذهبي عام 2001 ( مهرجان الاذاعة والتلفزيون ) و شهادات تكريم من اغلبية جامعات مصر و شهادات تكريم من مديريات الثقافة بالاقاليم وحصل أيضاً على منحة التفرغ لعامي 1996 – 1997 ( وزارة الثقافة ) وأضاف إلى المكتبات مؤلفاته في شعر العامية والدراسات الأدبية والمسرح المؤلفات الأدبية : وادي الخوف ( ديوان بالعامية ) 1971  في المحكمة ( ديوان بالعامية ) 1973  غنوة المطر ( ديوان بالعامية ) 2003  العمال والمسرح ( دراسة مشتركة ) 1979   غناوي القلب ( ديوان مشترك ) 1980  يوميات عبد العال ( قصيدة درامية ) 1984   محاكمة شخصيات نجيب محفوظ ( قص...
إرسال تعليق
أحدث المشاركات