الماضي والحاضر
قرروا يتقابلو
الماضي قاله يا شاطر
أحلامك إخضرو والا دبلو ؟
وعملت ايه بعدي ؟؟
الحاضر اتنرفز واتعصب واتضايق
وقال عرفت كتييير حقايق
اولهم واخرهم اني بقيت لوحدي
يا ماضي انت اللي أشطر
انا ياما بكيت فحضنك ودلوقتي بابكي اكتر
الحلوه ايامك
واحلامك اللي كانت لونها وردي
متحققتش عندي
يا ماضي انت اللي اشطر
انا ياما بكيت في حضنك ودلوقتي بابكي اكتر
وعرفت ان انت طلعت كداب كبير
عليا ضحكت وعلى ناس كتير
كنت لما تشوفني احزن ... تقول لي بكره احسن
واهو جه بكره وعشته
ويا لهوي على اللي شفته
فعلا مش قادر احكي
علشان مش عايز ابكي
عرفت يا ماضي ليه على ايامك بتحسر ؟!
يا ماضي انت اللي اشطر
انا ياما بكيت فحضنك ودلوقتي بابكي اكتر.
أحمد العوامري