انتي - أحمد العوامري

قلبي اللي كان يتوضى من ضيك

مشافش وسط العتمه نور زيك

انتي القانون والنظام

والحزن والابتسام

وشنطة الاحلام

والخد لما الدمع يناوشني

والورد لما الغصن يناغشني

وانتي اللي واحشاني وانتي اللي بتحوشني

وانتي ودع في الوحدة وشوشني

وانتي السكوت والكلام

وانتي الدوا والآلام

انتي

انا هونت على نفسي وانتي ولا هونتي

يا طارحه ضل وفل وحنه وحنيّنه



وانتي اللي واحشاني وانتي اللي بتحوشني

وانتي ودع في الوحدة وشوشني.

وبالمحك لما لطريقي اضل

واشوفني ميت

لما حنانك يقل

انا مش هقولك يا حبيبتي

انتي اكبر من كدا بكتير

ولا هقولك بعشقك

العشق ليكي قليل

انتي ودع في الوحدة وشوشني

وانتي اللي واحشاني وانتي اللي بتحوشني

أحمد العوامري

أحمد عبد الفتاح العوامري