من النهاردة قررت اعيش حياة جديدة
وقررت أقول :
مع السلامة
لكل حد في حياتي عملت له قيمة واديتلك مكان في قلبي وطلع ميستحقش
مع السلامة
لكل مصدر نكد وحقد وهم وغم ووجع قلب أياً كان هو مين.
مع السلامة
لكل حب عشته وهو ميستاهلش واللي هيمشيلي خطوة همشيله مسافات.
مع السلامة
لكل قلب حبيته وهو طلع يدوب حتة لحم مفيش جواها مشاعر
مع السلامة
لأي علاقة أنا الطرف الوحيد اللي بيضحي ويستحمل ويخسر فيها.
مع السلامة
لكل اللي فاكر نفسه حاجه وهو يدوب درج ف تلاجه
مع السلامة
لكل الكدابين اللي ضحكتهم في وشي مقلب كبير بس أنا مكتشفه وعامل مش فاهم.
مع السلامة
لكل حد كان يعرف إن قلبي قزاز وحدف عليه من قسوته.
مع السلامة
لكل اللي فاكر إن الوحدة ممكن تموتني وهو ميعرفش إن هي الوحيدة اللي كانت صادقة معايا وإننا وجهين لعملة واحدة
أحمد العوامري
