خلاص همشي
وهقفل صفحتي عندك عشان ترتاحي
وتلاقي في بُعدي طريق
مكنتش بس متخيل باني هاكون لعينك طرف يمحي بريق
مكنتش برضو متخيل بإن سؤالي عن روحك
يكون تضييقوان دموعي في عيونك مصادر ضيق
خلاص همشي
ورحمة دمعتي اللي ف خدي والعشرة واني صديق
ورحمة قلبي والخوف اللي عامل مني اسفلت لشوارع فاتحة على تحقيق
وانا المجني عليه والجاني والسجان
وانا العيل عشان حبيت حبيبه مكانلهاش عنوان
وحبها كل مَن شافها عشان فيها الحياة بتبان
ورحمة كل لمسة ايد وكل مكان
عشان يفضل حنان روحك في قلبي وقلبي مايموتشي
خلاص همشي.
***
يدوب قررت
مشيت خطوة ورا التانيه
لقيتني وقعت...
وحشتيني
لانك مش مجرد حد في الدنيا
لأنك روح بتتمشى في شراييني
لأنك نار في عز البرد
وياريتك بس تكوييني
عشان تبقي ساعدتيني
دانا اول ما خطيت خطوتين في البعد
لقيتني كفيف
وانا بابعد وابص ورايا واتكلم مع الحكايات
وانده بسمتك وابكي واقول انا مات
واشوف القوة في عيونك واشوفني ضعيف
واحس بجرحي في سكوتك واني سخيف
فساعديني وبلاش تبقي معايا حد حلو لطيف
وضميني
في اخر كلمتين بينا
قوليلي ابعد وانا هبعد
واروح النار اذا انتي هتدخلي الجنه.
أحمد العوامري
