(احبيني بلا عقد)
بلا منطق .. بلا مبدأ
و يكفي ان هذا الحب
يكون أصدق
من القصص اللي بتترتب
وتخلص قبل ما تبدأ
أحبيني
تلاقيني حبيب ساكت ومش بانطق
عشان الحب كل كلام الدنيا مش قده
ولا بيختار ولا بيكدب ولا يسرق.
أحبيني
انا الولد اللي عايش لسه عالنظرة اللي من سنوات وكان اهبل
فضل ساكت وكاتم للحنين جواه
ودلوقتي الوجع أتقل
أحبيني
بدون ما تقولي كلمة حب وبدون ما تقطعي وصالك وانا هقبل
أحبيني وبلاش تحكي ومش هسأل
أحبيني
بدقة قلبك الدكتور لاوجاعي
بهمسة عينك الحنه على دراعي
يا مركبتي اللي ساكنه شط مملكهوش
وفارد في الهوى شراعي.
أحمد العوامري