في نقاط ياسمين عبد العزيز مع منى الشاذلي
تحدثت الفنانة ياسمين عبد العزيز في برنامج تلفزيوني مع منى الشاذلي عن العمليات الجراحية التي أجرتها مؤخراً
في محنتها المرضية وحكت عن بعض ما تعرضت له خلال فترتها المرضية :
- في شهرين عملت ٤ عمليات
عملية نساء اكياس شيكولاته وعملية تجميل مع بعض
- من كتر ما كانوا بيدوني مخدر ومسكنات مش فاكرة حاجه.
- اللي حواليا فاكرين ان انا بادلع
وانا ست مابدلعش
-لو مدخلتش كمان ساعة لعملية جديدة هموت.
-حدث خرم قي في القولون اثناء العملية وحدث تسمم في الدم .
-الدكتور اللي انقذ حياتي عصام شلبايه
وهو كان بيقولي الموضوع كان صعب جداً وداخل العملية وعارف ان الدنيا بايظة خالص وانا كنت عارفه وحاسه اني مش هطلع .
- وانا داخلة قولت لاخويا الكبير خلي بالك من ياسمين وسيف لأني كنت حاسه اني داخله ومش طالعه.
- طلعوني من العملية على العناية المركزة وقعدت ٥ ايام وكنت خلاص باروح والدكاترة قالوا ادعولها هنعيش اليوم بيومه.
- انا لا كنت باتكلم ولا امشي ولا باكل ولا باشرب .
- قضيت ٤او ٥ ايام في العناية كنت بسأل ايه اللي حصل لي وكل ما انام يجيلي كابوس وكل ما اغمض عيني ييجي نفس الكابوس .
- شيلو الأجهزة والادوية مش هقدر اكمل انا هبقى مرتاحه اني اروح لربنا هبقى مرتاحه هناك اكتر .
ويذكر أن الفنانة ياسمين عبد العزيز تعرضت في الفترة الأخيرة لخطأ طبي أثناء إجراء عملية جراحية له ، وتدهورت على أثره حالتها الصحية واستكملت رحلتها العلاجية في الخارج .
تعليقات
إرسال تعليق