باكهرب العواميد

  

من صُغرى ...
بتشعلق ف سلك الكهربا
وباكهرب العواميد
وابكى ...
لمّا الشمعة
تقيد
...واشوف الناس
تضحك..
وتصقف حواليها
...وهيا بتنزل
دمعة
"ف"
ديل
الدمعة
واللى حارقنى بجد
وحازز فيا...
كيف عاملين
لسقوطها.....
عيد ؟؟!

***
ما تشوفنيش
جّوا ضلوعى وأنا بتلوّا
لجل ماكتّف ...
كل اللى "ف"جتتي من قوه
لجل "م" حارب
قارب جوّا الجوف
وبيحبي
بيرضع ...
خوف
لجل مايوصل للدرويش
طالب فتوى
قال :
كان لى "ف" كل مراية زَىّ
لابس نفس الوش ، ونفس الزِّي
راح غاب عنى ، ولا رجعليش
قلّى :
إن كان ميت .. ولا حيّ

***
أنا من صغرى
بحب الرَمح
فارس ...
ولا فيش سيف ولا رُمح
حاطط كل معانى القوه
جيب جلابيتى "ف"
اللى قالعها
عشان تقاليعها
مش" ع" الموضة
ولا فيش عُوده ...
بتربط بينى وبينى
حتى الجبس ...
اللى اتعودت ارسمنى عليه
مبقاش بيشكّ
يمكن علشان انى بشك ....
بكل ما فيا
أو علشان..
مبقيتش
أعيش.



أحمد عبدالفتاح العوامري

 

إقرأ أيضاً : 

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة       متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد