غفير عالقلب /أحمد عبد الفتاح العوامري

الخوف يا ست الروح
واقف غفير عالقلب
عايز اقولك وحشت... والكلمة مش كاملة
خايف لسانك يرميني من الدور اللي مش موجود ف أعلى الكون
مع اني متأكد 

قلبك حنون
وانك بتزرعي كل الحب والاحلام و
انك يا ست الناس وطن تاني
وانك حكايه حكيتها ليا كتير
عايز اقولك كلام وفي الحقيقه مش كلام
احساس بيضغط كل لحظة ف حضني محتاجلك
هو بس الخوف يا وردتين على خدك النعناع
وعنيا عايزه تشوفك الملكوت
يمكن اموت فجأة
بس روحي مش هتروح
واشواقي ...
متعلقة بيكي
سامحيها لو باست ايديكي وباست الباقي.

 أحمد عبدالفتاح العوامري

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة       متزعليش     جوهرة      ياريته قال       قّطع على جسمه الخَلَق      الكعكه           سكته حُبيّه      باكهرب العواميد