الساكنة "ف" كرافيسي
بدون معاناه
وحديها اللي بترغمني أبوس الآه
خلتني زعيم في الضحك الجهر
وأنا جنب البحر
المد / الجذر يغير منها
تبعت لي خطاب
كِتروا الخُطّاب
والمركب لسّه ماهوش جاهز
ولكني هدخل وهناهز
وهعافر كل الأشياء
ما هقولش الآه إلاّ "ف" حضنك
ولا هدلق صوتي إلاّ "ف" ودنك
و"ف" حزنك هبقالك مخرج
أنا عايز أقول ياما ومُحرج
ولكني هكتب لك واكتب
"م" المغرب و لحد المغرب
وحروف الكلمات تدّحرج ...
من سطر لـ
سطر
بتسابق لجل ما توصلّك
قضبان القطر
هبعت لك شنطة أوجاعي المحشورة
براويز الشوق المكسورة
ومعاهم طوق ..
فُلّ وياسمين
والكرسي والإخلاص وياسين
هقرالك كلّ صباح سورة
وكمان يمكن أجيب سبورة
واكتبلك فيها :
بحبك موت
بس انتي ادعيلي الوقت يفوت.
أحمد عبدالفتاح العوامري
تعليقات
إرسال تعليق