" ف " عيونك حلم بيسأل دايما عن نفسه /
عن بكره ال مش لاقياله مكان
عمالة بتضحكى " ع " الايام
" ف " بتاخدى الاوراق بالاحضان
حضنك يتملى حبة ياسمين ....
شايلين اسمك
" ف " عيونك خوف وكسوف يشبه
حب الرمان لما بيخرج من فرع ضعيف
تلاقيه ملفوف بعباية الحزن التقلانة
فامانة عليكى تسيبى الهم يشوف غيرك
والضحكة الطالعة بقصد بلاش منها
ورينى الدمعة المتخبية ورا التجاعيد
انا منك اقرب من روحك
فاوعاكى تفكرى انى بعيد.
أحمد عبدالفتاح العوامري