بترمى لى الفرح بالهلب
وانا
ا
ش
و
حــ..
ـلك ألم
بالباط
فارشة لى الكور"ع"الخط
بتدعينى :
أنا مرماك
وانا ماقدرش أكون..
شوّاط
أكيد ملّيتى من فشلى
ودقتى المُرّ من عسلى
خلاص سيبك
رمانى الخوف
"ف" بحر الزيف
طبيبك كيف ؟؟
وانا اللى بفيروسات الحزن
بيصيبك
ولا كانشى هدوء جرحك
ولا شاشك ،
وانعاشك
ولا حتى رباط الضغط
خلاص سيبك
مهيفيدش...
عمل أشواط إضافية
شلل فوزك
مضى فيا
وبيرطِّن تعاويذك
بطول العمر
ويناضل
وايه فاضل ؟!!
وكل نهار بيكتب لى
على العكاز
خبر عاجل :
"قُضيّ الأمر "
أكيد ملّيتى
من زيتى
اللى "ف" طاسة الأحلام
بيغلي غلي
وحضني بيجلي
من جواكى فرحك جلي
وانتى هناك بتنتظري....
نتيجة القلي
وترمى لى الفرح
بالهلب.
أحمد عبدالفتاح العوامري