البتّ الشحّاته ....
اللى بتسرح
بشويّة مسكنة وغتاتة
عند الجامعة
لسّاها
أول ما تشوفنى
بسرح
فى الخطوة معاكى
وبتهجاكى
تغنى :
(كلّم أوفا ياحمد
الحب ياواد باين
"ف" عنيك
الله يخليك
ويخلّى يارب حبيبتك ليك)
وانا اقولّك :
سامعة ؟
العشق اهو طافح من عينى
والروح
شفّاه
كل الأشياء حواليكى
تبوح
إنّها شايفاه
وانتى تمانعينى
برفضك اللى بطعم السٌكر
تقاطعيني:
إلـ)-
لَهْ
حُبك فى القلب بيملاه
ولاخلّى مكان لكابوس بالليل
:ولا قولة
آه
انت اللى هواك بيغطّينى
وانت البذراية اللى "ف"طينى
وانا مسّتنيه
تخضّر
أسكت
أسرق تنهيدة بطــــــــــول السكة
أتبعتر
تتعـتر
نفسى"ف"أول خطوة
صوتك يفاجأنى:
"اسم الله عليك يا حبيبى"
أتخدّر
عينى تبصلّك
وكأنه بيطلع
منها خطان
بتوصّلك
كل اللى"ف"عبّى شايلهولك
ولا لاقى حل أقولهولك
غير انى أطلع
لحطان
وارميلك رمى
تتبعتر يدك مع يدى
وكأننا عُمى
وهاتك مشى بطول الأرض
تخلص ،
ولا يفضل
غير ندخل بعض
جوايا
تلاقينى فارشلك ومصتّب
قلبى بلاط
تلاقينى المغرب
لومرة مشاعرك
صامت
عشقان"ف" عنيكي
الاستعباط
وان قلبك شاط
قلبى بكلمة
أهرب
ادخل
فى الصامت
تفرز جوّايا الحنيّه
حُمرة خدّينك
لمَا بلقى يدَينك
"ف" دموعى بتغسل
فألبّى حنينك
نتلاقى "ف"نقطة
بينى وبينك
مكانتشى بتفصل
ولأنه
زادت على قلبى الجُرعة
يصفالك
وكأنه
ما بكاش
وبصوت
ميوديش غير للموت
فيكي
ويسّخن أحاسيسي
تآتيكى
بسرعة
تقوليلى :
يالاّ يا بكّاش
البسمة تخش شفايفى
تشٌّق
ويصُّط "ف" ودنى
كلاكس العربية
يدخل
من غير ما يطُّق
أتنتور قدّامها
أتموّج
و"ع" الناحية التانية
البتّ الشحاتة
بتتفرّج
تفقع ضحكايه
مخلوطة بريحة الكُحّة
تسرٍع ْجايه
تفردلى الطرحة ....
ـ ادينى يا بيه
.... ربنا يديك
الصحة .
أحمد عبدالفتاح العوامري
إقرأ أيضاً :
شعر/ أنا الغالبه شعر / أراهنك كلمات قصائد شعر حجر تفاح شعر/ ياريتك جوا كراريس العيال تعريف جديد للوحدة متزعليش جوهرة ياريته قال قّطع على جسمه الخَلَق الكعكه الفاتحه .. للخاينه سكته حُبيّه باكهرب العواميد