مش مكتوبلك
أكتبلك
كلمتين حلوين
ولا اقولك
انك
أولى
ولا حرّيفة
"ف" الطاولة
ولا انك ..
سِّت العاقلين
مجنونة لكنك
مجنونة بكل مافيكي
من حواديت
بالطين مدهونة
حطان البيت
وان دقّ الزار
هيرّجع عقلك لصوابه
أنا دقاقه
.. وانا عارف
دَقي هيطلع
على شونة
مجنونة
إن عُزت رغيف العيش
بتلقى "ف" حجري طابونة
حََّدّ مصدقنى ؟؟؟!
كدّاب اللى يصدِّق واحد زيى
شاعر
وان شاب الحلم"ف" حتتنا
ابقى اكبر عيّل
وتميل روحى...
على لعب الفُطيطة
أنا وصحابى الشُعرا
نجلح ونفُّط
نشيل ونحُّط ..
تراب الأرض المتعكر
على شعرنا لابيض
نزعق / نرطم
ونرُُّط
نِرجع ونقول:
سااااااااااااارقه محبتنا
المجنونة
***
بُصِّيلى وخُدى قرش
لا "ف" جيبي شُغلة ...
ولا بطنى بكرش
ومش عايز اكتر من اقولك:
هدّى الجنونة
أصل انا مش عايز أبقى "نجيب"
واكتبلك بدل الكلمة
ألــــــــوف
مش خوف..
لكن دا كسوف
مش منك / مني
لأنى
لازم أبقى كبير
لمّا تكونى صغنونة
سامحينى
مش قادر اكتبلك واتغّزل
توبك أبيض
وايه يعنى اللبس ؟؟؟
لا عمر البوصة
هتبقى عروسة
ولا المنيكان المصنوعة...
من الجبس
تحِّس
منيكان
ودايما عاجزة
ومش بالإمكان
وبتظهرى رمز الميزان
مع إن كفوفك...
مش موزونة !!!
أحمد عبدالفتاح العوامري
إقرأ أيضاً :
شعر/ أنا الغالبه شعر / أراهنك كلمات قصائد شعر حجر تفاح شعر/ ياريتك جوا كراريس العيال تعريف جديد للوحدة متزعليش جوهرة ياريته قال قّطع على جسمه الخَلَق الكعكه الفاتحه .. للخاينه سكته حُبيّه باكهرب العواميد