طريقة كيفَ أنساكي-شعر-أحمد العوامري

ومين قال ان انا حابكي عشان يا حبيبتي سبتينى

ومين قال ان انا خايف
ومين قال اني مش شايف
صحيح كنتي انتي نور عيني
لكن خدتي حكايتك وافراحك وافراحي
وسبتيني
بحارب وحدي ف جراحي
ومين قالك باني لوحدي في الدنيا؟!
انا عايش حياتى اكيد و بقابل برضو ناس تانيه
يحبوني
لكني بلاقي قلبي وروحي عليكي بسرعه ياخدوني وباتظاهر باني القاسي والقادر يعيش وحده
واني اللي مفيش ف عيونه ولا دمعه ولا فارقه معاه برضو
انا عايزك ومش عايزك تشوفي ف قوتك ضعفي
وتعترفي باني لسه جواكي
وعايزك برضو تديني طريقة كيف َ أنساكي
وعارف اني مش هانسى ولا همسة ولا حضنك
ولا ضحكة ف حضرة قلبك الباكي
وعارف بس مش عارف دموعك ليه بتسبقني
وتسرقني حكاويكي اللي خدتيها
وسبتيني باعيش بيها
ومين قالك باني لوحدي في الدنيا؟!
انا عايش حياتى اكيد وطول الليل باتوه فيكي
ولا مبين
وعامل قلبي قاسي قساوة الايام وهو الين من اللين
وعامل نفسي من بنها
ومنها باحاول انسى دنياكي ونسيانها دا مش هين
ومين قال ان انا حابكي؟!
انا فعلا بكيت ودموعي جوا ضلوعي مرتده
باصبر نفسي ان مفيش بدون الشوك ولا ورده
وعايزك بس مش عايزك تدوسي على اللي كان بينا.

طريقة كيفَ أنساكي-شعر-أحمد العوامري 

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة       متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد