علموك الميتين

 

ليه ؟؟!
علموك الميتين السكوت عنى
وقت انهيار جُدراني
عوّدوك متقولشى :لأ
لمّا رُوحى يهّزها صوت الكفن
يشدّها
كّف اللى من ضلعك ،
يُخنق عيونى/
يسدّها
لمّا النهار
بيزحزح الشمس اللى حالفه
لتتكسف منى

علّموك
تُسكت ,
وميهمّكش أنا
متمكِّنه
كل الشوارع "م" الهروب
سنتين ونص
بـ ميـــــــــــــــــــــــــــــة سنه
ومتسمّره رجليا
غاويه الانتظار
مستّنى يدّك
تنتشلنى ......
من بقايا الانتحار

**
بينك وبينى
الخطاوى مش بعيدة
قدّ ما كانت عنيــدة
وبرضه رجليا اللى منتظره
مش بليده
عارفاك هناك
على بعد خطوه أو أقّّّّّلّ
سنتين ونصّ ..
والبدر لسّه ما هلّ،
الشمس مش بتطّل فيهم،
الدّم جوّا عروقى شَلّ،
اجمع لى حلّ ,
كل الوهن جوّايا حلّ ،
كل السكك متعترَه
ومتبعترَه
كل الخلايا
ماعدتش اعرف طريق ..
شُغلى وخلايا
كل الحبال متلّمنيش
ميلّفنيش إلا درعاتك
كل البيبان اتكسّرٍت ..
من كُتر خبيّط الجراح
وفــــــــــينــك يا"عبـ فتاح"؟؟!

سكنت ليه ..
الجبل اللى غربينا ؟؟
وليه الزمن ممشيش
وغار بينا ؟؟
اُلضم لى روحى ...
وشدّها جنبك
عارفك يابويا
الذنب مش ذنبك
بس ليه؟؟؟؟
تُسكت
وميهمّكش أنا
تدبل على يدّك ..
سَوسَنه
مرويه من عَرَقك
افتح لى عِرِقك
اشرب الدّم.. اللى صار
فوران
كل المواسم
مش تمام
وكيف تنام
جوّا الكفن
واحمد فـ الحياه
بردان !!


أحمد عبدالفتاح العوامري

 إقرأ أيضاً :

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة       متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد