كل يوم

كل يوم بفرد همومى
"ع"النجيل
جنب شط النيل
وانام
لجام الحلم يشّد فيا
ينّط نَطّة
للأمام
تتخبط "ف"عنيا يافطه
مكتوب فوقيها
بألف لون:
ممنــــــــــوع
الجوع بياكل فى الحديد
ويعيد
شريط السكة
الثبات موجوع" م"
الجهات الأربعة
متجمّعة
"ف" لحظة هروب
الدروب الموجوعين
ميوصّلوش للنور
بور
يا أحلام النهاردة
وغرقانين
مهما كنتم عوّامين
دوّامات الليل تزُّق
وكل يوم قال جاى يطُق
على البيبان
ولمّا نفتح
لم يبان

كل يوم
وانا والنجوم
بنعِدّ بعض

وانا والمشاهد مزنوقين
بنعُض بعض
الأمانى المحرومين
من أى ريحة
مش جريحة
كل صورة بتتكسر
من لهفة الشمس الغبية
مش صبية
كل بنت
وكل وقعة فى المربع
مش
(بلنت)

الشوارع
كلهم متكتفين
لحظة تشرُد
الموانع
لمّهم لحن التمرد
حطّهُم"ف" أول محطة
والأونطة
مبعترة فوق النجيل
وانا كل يوم
بفرد
هـ
م
و
مي
جمب شطنيللا
وانام
والنجيل بينُط من كُتر الزحام.


أحمد عبدالفتاح العوامري

 

 إقرأ أيضاً :

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة      متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد