نزّ الخوف
نزّل شوف...
عيونى لــ..
..تحت
يدوب فتحّت
لقيت صوتك..
كما الكَسرة اللى داخلانى
وبدوخ تانى
وبتقطّع شوارع مدّ
وكام مقطع
لأحزانى
ولا فيش حدّ
يكتبني ...
ويقراني
كما الميّت
ولو بيّت
فى يوم خوفى..
بعيد عنّي
أنا ألبدله
واعربدله
واجيبه"ف"عضمى يتعّبى
كما القربة اللى رافضة تجّف
نخاعى يلفّ
ويغربل معانى البكره
تتفتفت
ولا إلاّ
ميتين علّه
وليل مغلى
مفرَّغ لى ..
الساعات "م" الدّق
شحتّ الحقّ
منفعشى
بنيت نعشى
عشان امشي
لقيتك
برضه واخدانى
وبدوووووخ
تـــــانى
بدقّ الجرح
وبعصر..
شرخ
عاش كالديب
وكوباية ملامحي..
تفور
ولفّ التور
سواقيكى .. يا بت بالعكس
وهاتك رقص
غنا على عزف
يا غاويه العلف "ف" فرانك
حبيبك مات في أفرانك
ولا كلشى
ولا كّلِّش
ولكُتر العشق لترابك
قدم رجليه خلاص ...
كّلّش
ولا هّمش
متهمِّش ..
فى أحوالك
ونيلك نيّله ورده
وبردك يزكمه برده
وجدرك تقتله أرضه
وحاسبك يخنقه هارده
واحاسبك كيف ؟؟!!
وأنا الأصغر
ومش محسوب ..
مع فرانك
ولو أقدر
أحاسبك كيف ؟!!
وأنا اللى رسمت فستانك
وأنا اللى غَزلّك الطرحة
واحاسبك ليه ؟؟!!
وقمحك ..
مات ..
من الفرحة
ومات
عشقي
فى أفرانك!!
أحمد عبدالفتاح العوامري
إقرأ أيضاً :
شعر/ أنا الغالبه شعر / أراهنك كلمات قصائد شعر حجر تفاح شعر/ ياريتك جوا كراريس العيال تعريف جديد للوحدة متزعليش جوهرة ياريته قال قّطع على جسمه الخَلَق الكعكه الفاتحه .. للخاينه سكته حُبيّه باكهرب العواميد