انا مش ملك
ولا بمتلك شبرين أمل
انا بس عايش ف الحياة ...شوية هبل
بتطمنينى لدنيتى وف وصفها كاتبة :جمل
على ايه مانا اللى اخترت ابكى ...
واتسحل
وارضى بظلم اللى انتحل
شخصية القلب الحنين
اللى بيّن
انه جاهل بالمودة
اللى عدا فوق ضلوعى بدون ما يرحم
ولما بحلم انى بملك نفسى بنسى
انى حبة لحم عايش
عضم كافر بالسياسة
كل شئ اصبح وراثة
حتى عمرى معشتهوش
كل لوحة تترسم عن بكرة ...
ليه بتمحيها الرتوش ؟
ليه حبيبتى حد وهمى مشوفتهوش
ولا طولتهوش
ولا تسألينى .. ولا أسألك
أنا مش ملك
ولا بمتلك
أى ابتداء .
أحمد عبدالفتاح العوامري
إقرأ أيضاً :
شعر/ أنا الغالبه شعر / أراهنك كلمات قصائد شعر حجر تفاح شعر/ ياريتك جوا كراريس العيال تعريف جديد للوحدة متزعليش جوهرة ياريته قال قّطع على جسمه الخَلَق الكعكه الفاتحه .. للخاينه سكته حُبيّه باكهرب العواميد