بقعه-شعر-أحمد العوامري

أول مرّة النخل العالي يوطّي
يبوس الطوب
الأحزان تفرد مراكبها
تقصد شطّي
والمطلوب
أرجع دوغري وأدخل خَطّي
وانتي براحتك
شيلي وحُطّي
في القلب المتعبي عيوب
أنا مش حلم
فيه 100 رُقعة
ولا روح غاوية تروح لقليبك
وأنا لو شاطر
كنت حسيبك
كنت رميت كراسة حُبّك
جوّا الترعة
كنت كسرتك
كنت بقيت برواز مش قادر
يحضن صورتك
كنت غسلتك من أيامي..
زيّ البُقعة.


أحمد عبد الفتاح العوامري

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة       متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد