اعلانات

 

 

يمكن عينيكِي   تكون سكون البحرفي الصيف الغلط
متبدليش المواسم
متصحيهاش بالليل،
ومتخنقيش الحلم بالمتاهات
اعلان ظهر :
[ "من غيرأنا ".. كتاب جديد،مفيهوش بكاء الذات x ]

الاعلانات بتفط في الملكوت
وتبيع صداها لأي حد غريب
طاب مين بيعرف ايه نهاية الموت؟!!
غيرش الغناوي بتنفخ الجلاليب
موال بيكتب نفسه ويتحشرفي الناي
فازاي عينيكي  تكون سكات البحرفي الصيفا لقلق
وانتِي  هروب الأسئلة والممكنات
اعلان ظهر:
[ للبيع
مدينة كلها شعرا ، والشعرأرخص من بلاش بكتيرx ]
متعلموش عال x
هيتولد غيرها
كل القصايد نسيت التعبير
حزن القصيدة مالوهش علاقة بالأنّات
حزن القصيدة ف موت معانيها
ميهماش ان كان بكاها لذات
ولا لمجموع ممنوع يغنيها.
اعلان ظهر :
(الصبرموجود عندنا بدون تشطيبx)
قال يعني هيفيد البكا ف حاجه
خلصت عماير صبر ومكانش له تفسير
ثبت روحي بمسمارين فيا
وحلفت اني ماروح ولا أجي
وعملت مني نار وتلاجه
فضلت مستني قتلني العطش
واللي جري حصل بواقي البير.
يمكن عينيكِي تكون ضياع البحر عالشاطئ
وانتِي ضياعي وقوتي وقَوتي
ازاي قدرتي تهزي ملكوتي
وان قولت باحلم بيكي تحت الميه مش خاطئ
اعلان ظهر:
( قلبي انكسر ومحتاج له جبيرة وشاش x)
ومين اللي قالك تعشق الدنيا
عايز تغش ازاي من الغشاش
قلبك يدوب محتاج لتأشيرة
قلبك يدوب محتاج يتحنى مش يتحني
حاول لوحدك تنسى أو تبعد
البحر مش بحرك والحب مش ببلاش
اعلان ظهر:
( حد عايز ينتحر؟!x )
" من غيرأنا " كتاب جديد مفيهوش بكاء الذات
للبيع مدينة كلها شعرا ، والشعر أرخص من بلاش بكتير
الصبرموجود عندنا بدون تشطيب
قلبي انكسر محتاج له جبيرة وشاش
الحب مش ببلاش 

أحمدعبدالفتاح العوامري

إقرأ أيضاً : 

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة      متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد