ضروري كان تقولي لعينك الابانوس
متسرقنيش
وانا اللي كنت جوايا ومش باطلع
وكنت باخاف من التطبيع
مع احلامك الكبرى ومش باطمع
في اني اكون بطل ورقي
ولا اسطوره وهميه
صحيح حبي بدون فايده
لكن حبيت
ومش بطلب تصبي الكاس
ولا تبادليني في الاحساس
انا اتمنيت في احلامي
اللي هيا صاحبتي اللي بجد
تسيبي عينيكي لعينيا
تسيبي لقلبي طاقة نور
تعيشني وانا المكسور
تناديني باسمي حتى لو مره
تحسي بإني مشاعري مش حره
حبيبتي
اه هاقول يا حبيبتي
واهي مره من نفسي
براحتك زي ما تحبي
تلمي عينيكي من روحي
وتاخذي قلبك الفيضان
وتقسي قد ما تقسي
عارف قسوتك حنيه ومحبه
وعارف نفسي بتوضى
من التسبيله في عينيكي
انا الطفل العجوز جداً
لكني عجزت اكون كونك
ومهما تعبت مجنونك
ومهما اتهضمت الايام
باعيش على حلم
سرقته في مره من قلبك
فسامحيني
وان كان حبي ليكي سراب
بلاش فعلا تحبيني
وسيبيني انا احبك.
شعر/ أنا الغالبه شعر / أراهنك كلمات قصائد شعر حجر تفاح شعر/ ياريتك جوا كراريس العيال تعريف جديد للوحدة متزعليش جوهرة ياريته قال قّطع على جسمه الخَلَق الكعكه الفاتحه .. للخاينه سكته حُبيّه باكهرب العواميد