والله ياحمد مفتري

 عمل لك ايه ؟!!
الورد اللي سبته بيتقتل
ولا صنتهوش
مش كان معاك؟!
وإنت البعيد
الوهم فاردلك شراعه
محسسك 
انك معاه ومسبتهوش
اقفل بقايا جرحها ياحمد واسكت
ارتحل
 اياك في لحظة تنتحل
 شخصية الحب الأناني

 او تكتم الوردة اللي طلعت في الصحاري
ومانتاش جنايني لقلبها 
انت اللي كاسر فرعها
وعودها الطري

 و الله يا احمد مفتري

سبتلها بحر نیران
بيملى الجوف
وانت الغبي
عمال تحلل في المعاني وفي المواقف 
أتاريك لا عمرك كنت شايف
ولا كنت منزل آو نبی
 ولا كنت غير سگين وسيف
تقتل ربيع
تزرع خريف
وانت الي ضيف
في الدنيا دي
وهتموت قوام
ماتسيب لها الأيام
وعود
إيه اللي جمعك والورود ؟!؟

أحمد عبد الفتاح العوامري 

 

شعر/ أنا الغالبه   شعر / أراهنك    كلمات      قصائد شعر    حجر تفاح   شعر/ ياريتك    جوا كراريس العيال     تعريف جديد للوحدة       متزعليش     جوهرة      ياريته قال       قّطع على جسمه الخَلَق      الكعكه       الفاتحه .. للخاينه     سكته حُبيّه      باكهرب العواميد